بعد انتهاء التحقيق مع المتهم بيبقي فيه قرار صادر من النيابه بخصوص الواقعه اللى بيتحقق فيها
والقرار ده بيبقي واحد من ثلاثه
1 - صرف الحاضر وهنا يبقي مفيش اتهام بيتم توجيهه للى كان بيتحقق معاه
2- اخلاء سبيل المتهم باى ضمان سواء مالى او بضمان محل اقامته وهنا بيبقي فيه اتهام للمتهم وفيه قضيه لازالت مفتوحه بس النيايه قررت اخلاء سبيله لحين تحديد موعد للجلسه
3 - حبس المتهم اربعة ايام على ذمة التحقيق
لازم تاخد بالك ان العرض على النيابه بيبقي خلال 24 ساعه
حساب الاربع ايام بيبقي من اليوم اللى تم فيه التحقيق
احيانا بنلاقى القرار عوده باكر للمتهم وهنا لو النيابه قررت حبسه اربع ايام بتحسبهم من اول يوم عرض على النيابه
غالبا المتهم بينزل تجديد فى اليوم الثالث انت كمحامى لازم بعد انتهاء التحقيق تروح تانى يوم لجدول التحقيق تعرف ميعاد تجديد المتهم وتعرف رقم حصر التحقيق
طبعا بتبقى محضر ملف للقضيهحاول تصور قضيتك
تكتب على الملف من بره رقم حصر التحقيق ورقم القضيه سواء كانت جنحه او جنايه مع توضيح السنه والنيابه المختصه
يعنى كمثال الجنايه رقم 51859 لسنة 2017 جنايات المنشيه
تعرف اسم وكيل النيابه اللى بيحقق فى قضيتك وده هتلاقيه فى جدول التحقيق
لازم تثبت حضورك فى المحضر اثناء التحقيق او اثناء التجديد
مش كل القضايا بيتم التحقيق فيها
الجنح اللى ذى الضرب او السلاح الابيض ذى سكينه او مطواه مش بيتحقق فيهم انما بيتم عرض الورق وبيتاخد عليه قرار وده فى اغلب الاحوال
واحيانا بيعرض المتهم
فى المشاجرات بيعرض الطرفين
مجرد عرض وليس تحقيق