اجراءات محاكمة التخلف عن الاستدعاء - الشرح الوافي

اجراءات محاكمة التخلف عن الاستدعاء - الشرح الوافي 

هناك 3 اسباب للتخلف عن الاستدعاء 

-الاول رفض استلام
- الثانى تغير العنوان 
- الثالث السفر خارج البلاد  --> و فية يتم احضار شهادة تحركات من مجمع التحرير و تحضر هذه الشهادة و تذهب بها الى شئون الضباط و يتم حذف هذا الاستدعاء من عليك فى نفس اليوم .

استخرج شهادة تحركات من ميدان التحرير تفيد انك كنت بره البلد فى فترة الاستدعاء مدة استخراجها تقريبا 5 ايام

• هتروح شئون الضباط و تحضر رقم امر الاستدعاء  واستعلم عن قضيتك واطلب منهم نموذج اسمه 104 موجود فيه اسمك وبياناتك ورقم دفعتك

و هيطلب منك نموذج 1و2 تعبئة و يقولك تعلالى تانى ,

اذهب الى مكتب التجنيد الى انت تابع لية بالمنوذج  104 الي فيه اسمك وبياناتك ورقم دفعتك وأسال على رقم الامر وتاريخ التخلف هيجهزلك ورق عبارة عن نموذج 1 تعبئة و استعجالاتة وهما 3 استعجالات و محضر اثبات حالة و مذكرة تخلف و محضر ادارى و نموذج 2 تعبئة ولو فى اى ورق تانى ادهولك خدة مش هيخسر ثم اذهب الى منطقة التجنيد الى انت تابع ليها و سلم الورق هناك فى مكتب التعبئة . 

خلى معاك نسخة من كل ورقة بتتسلم ليك 

و بعد يومين هيروح الورق الى ادارة التجنيد ثم شئون الضباط فانت اذهب بعد 5 او 7 ايام الى شئون الضباط و اسئلهم على الورق بعد كدة هيحققوا معالك فى سبب التخلف و بعد 15 يوم تروح تسأل عن الورق عند ادارة المدعى العام فى محكمة القضاء العسكرى  الى انت تابع ليها  اسئل فى شئون الضباط بعد التحقيق على مكان توجهك بعد ذلك لما هتروح المدعى العام و تسأل على الورق هيقولك جه ولا لا 

و هيقولك اسأل علية فى النيابة 

 ضابط النيابة هيحقق معاك و ياخد اقوالك وياريت صور نموذج 1و2 تعبئة و خليهم معاك احتياطى لو طلبهم اختمهم صورة طبق الاصل من مكتب التجنيد علشان توفر عليك بهدلة جمدة اوى و بعد كدة هيحددلك معاد للجلسة و يديك نموذج اعلان حضور جلسة

هتحضر الجلسة القاضى هيقولك متتخلفش تانى و يحكم عليك بـ 1000 جنية غرامة و ثلاثة اشهر حبس مع الايقاف هيكون معاك الفلوس تروح تدفعها فى س نيابات عسكرية و بعد 15 يوم تروح النيابة تجيب اعلان الحكم و تودية شئون الضباط 

أطلب منه يديك مذكره هيكتبلك فيها رقم القضيه والحكم وتخلف الاستدعاء برقم كم هوا عارف المطلوب وفى الاخر هيكتبلك  - وجااارى التصديق على الحكم  - وتختمها منه  . ده بالنسبة للناس المستعجلة على تصريح السفر 

توجه الى شئون ضباط قوات مسلحه بالورقة دى واستخرج تصريح السفر

و تقدر تتعامل معاهم بعد كدة عادى لو عايز تطلع تصريح سفر اوى اى حاجة تانى و الموضوع دة كدة بياخد حوالى من شهر الى شهر و نصف