الفرق بين التحقيق والتجديد والجلسه
وكيل النيابه اول شئ بيعمله فى التحقيق بيناظر الحاضر امامه
ومعنى كلمة بيناظر الماثل يعنى بيكتب فىةمحضر التحقيق شكله وطوله ونوع ملابسه ولونها وكل شئ لو فيه جرح بيكتبه يعنى من الاخر بيوصف حال الموجود امامه
وده شئ مهم جدا لان المفروض انه لو الماثل متهم مقبوض عليه بيبقي مكتوب فى المحضر شكل ملابسه ودى نقطه مهمه فى محاضر التلبس بالذات
وبعدها بيساله عن سنه واقواله فى الاتهام
طبعا كل ده معاليك قاعد بتسمع ومركز
ومش بتتكلم غير فى نهاية التحقيق بتلاقى وكيل النيابه بيسالك طلباتك يا استاذ
بتقول اللى حضرتك عايزه وهو بيثبته فى المحضر
طيب ايه حقوقك هنا
من حقك انك تنفرد بموكلك قبل التحقيق معاه
طيب لو امين الشرطه اعترض تمسك بموقفك لانه قانونى وادخل لوكيل النيابه او لرئيس النيابه اذا لزم الامر ومتخافش واتكلم بقلب جامد ده حقك
اول ما تدخل مع موكلك للتحقيق لو مكنتش لحقت تقرا المحضر قبل ما تدخل من حقك تطلب من وكيل النيابه الاطلاع على المحضر قبل التحقيق برضه ده حقك
متحاولش تقدم طلب تصوير مش هيوافقوا طبقا لتعليمات النائب العام
اغلب وكلاء النيابه لسه بيتعلموا ذى واحد فينا
يعنى متفتكرش انه عشان وكيل نيابه يبقي بيفهم احسن منك طبعا لا والعكس هو الصحيح